ზოგიერთ კულტურაში პრაქტიკული შედეგისაკენ საკუთარი ძალისხმევისა და ყურადღების სწრაფად მიმართვაა მისაღები. სხვებთან თქვენ უფრო მეტი დროის დახარჯვა მოგიწევთ, რათა მოუყვეთ კლიენტებს თქვენი კომპანიის შესახებ და დაეხმაროთ მათ, დაინტერესდნენ თქვენით და თქვენი პროდუქტით. ამას გარდა, სხვა ქვეყნებში თქვენი წინადადების პერსონალური და ემოციური ბენეფიტების აღნიშვნა ძალიან მნიშვნელოვანია. ზოგიერთ ქვეყანაში ადამიანებს ურჩევნიათ, ნახონ პროდუქტის ნიმუშები, ზოგიერთ ქვეყანაში კი ანალიზის წაკითხვითა და გრაფიკებისა და რეკომენდაციებით კმაყოფილდებიან.

სხვა ქვეყანაში პრეზენტაციის ჩატარებისას ყოველთვის წინასწარ მოემზადეთ. იქონიეთ პროფესიონალური საკანცელარიო მასალა, რათა ოთახში მყოფ ყველა ადამიანს დაურიგოთ. ვინმეს მასალის გარეშე დატოვება ან მოთხოვნა დამატებითი ასლების გაკეთებაზე დიდი შეცდომა იქნება.

ზოგიერთ ქვეყანაში მოლაპარაკება ურთიერთობის მნიშვნელოვანი ნაწილია. მოლაპარაკების პირობები შეიძლება გულისხმობდეს განკარგულების გაცემას, მაგიდაზე მუშტების ბრახუნს ან უბრალოდ, სიჩუმეს. სხვა ქვეყნებში თქვენ წარადგენთ თქვენს პროდუქტს, ისინი კი მიიღებენ ან უარყოფენ მას. ამის შემდეგ უნდა გადაინაცვლოთ სხვა საკითხებზე – წინააღმდეგ შემთხვევაში, შანსი არ გექნებათ, გაიმეოროთ მნიშვნელოვანი პუნქტები ან შინაარსის მნიშვნელოვანი ნაწილი... ერთი სიტყვით, თქვენი პირველი გასროლა აუცილებლად საუკეთესო უნდა იყოს.

თქვენ ვერ მოამზადებთ საუკეთესო პრეზენტაციას სხვა კულტურის წარმომადგენლებისთვის. მზად იყავით, რომ გკითხავენ ყველაფერს, წვრილმანი დეტალების ჩათვლით, თქვენი კომპანიის, პროდუქტის, სერვისისა და ადგილმდებარეობის შესახებ ისევე, როგორც თქვენ შესახებ. ამგვარად, არ აქვს მნიშვნელობა, როგორ განვითარდება მოვლენები, თქვენ ყველაფრისთვის მზად უნდა იყოთ.

გაყიდვები მარტივად - ტომ ჰოპკინსი