კონკრეტულ ბაზარზე წილის გაფართოების ეფექტური გზა ახალი პროდუქტის წარდგენაა. თუ შარშან მხოლოდ 10 სახეობის პროდუქტი გაყიდეთ და წელს მომხმარებელს 20 სახეობა შესთავაზეთ, შეიძლება, გაყიდვების რაოდენობაც გაორმაგდეს. რასაკვირველია, მოსალოდნელია, რომ ახალი პროდუქტი თავიდანვე ძველივით კარგად ვერ გაიყიდოს, მაგრამ, თუ შეუპოვრობას გამოიჩენთ, რამდენიმე წლის განმავლობაში გაყიდვის არეალს გააფართოებთ.

როდესაც ახალი პროდუქტის შეთავაზებას აპირებთ, ორი გზა გაქვთ:

• დაამატოთ ახალი პროდუქცია იმგვარი პროდუქტების გადაყიდვისა და გავრცელების საშუალებით, რომლებიც მიმდინარე საპროდუქტო ხაზს შეავსებს და უკვე არსებული სამომხმარებლო ბაზრის ზოგიერთ მოთხოვნას დააკმაყოფილებს.
• შექმნათ ერთი ან რამდენიმე ისეთი პროდუქტი, როგორსაც ჯერ არავინ ყიდის.

ასეა თუ ისე, მომხმარებლის მოზიდვისთვის აუცილებელია, აცნობოთ მას, რომ რაღაც ახალს სთავაზობთ და დაარწმუნოთ, ნახოს პროდუქტი. სწორედ ამიტომ არის ძალიან მნიშვნელოვანი პროდუქტის თვალსაჩინოდ წარდგენა და კამპანიის პირველი რამდენიმე თვის განმავლობაში განსაკუთრებული შეუპოვრობა ახალი ბაზრის ასათვისებლად. საბაზრო კომუნიკაციების გაძლიერება ახალი ბაზრის წარმატებით გახსნის გასაღებია.

მარკეტინგი მარტივად - ალექსანდრ ჰაიმი