გამოიკვლიეთ და გააანალიზეთ ის კომპონენტები, რომლებიც ბიზნესმოდელის შექმნის პროცესში დაგჭირდებათ

საქმიანობა

• შეისწავლეთ გარემო
• შეისწავლეთ პოტენციური მომხმარებლები
• გაესაუბრეთ ექსპერტებს
• გამოიკვლიეთ სხვების გამოცდილება (მაგალითად, სხვების მარცხი და ამ მარცხის გამომწვევი მიზეზები)
• შეაგროვეთ იდეები და მოსაზრებები

წარმატებისთვის სასიცოცხლო ფაქტორები

• პოტენციური სამიზნე ბაზრების სიღრმისეული ცოდნა
• შესაძლებლობების დანახვა იმ ტრადიციულ ფარგლებს მიღმა, რომლებიც კომპანიის სამიზნე ბაზრებს განსაზღვრავს

ძირითადი საფრთხეები

• ზედმეტი კვლევა; კვლევასა და ამოცანებს შორის კავშირის დაკარგვა
• მიკერძოებული კვლევა, რომელიც მაშინ იჩენს თავს, როდესაც კონკრეტულ იდეას ნაადრევად ანიჭებთ უპირატესობას

მეორე ეტაპზე გუნდი სიღრმისეულად ეცნობა ბიზნესმოდელის გარემოს.

ბიზნესმოდელის გარემოს შესწავლის პროცესი მოიცავს სხვადასხვა საქმიანობას, მათ შორისაა: ბაზრის კვლევა, მომხმარებლების შესწავლა და მათი ჩართულობის უზრუნველყოფა, დარგის ექსპერტებთან გასაუბრება და კონკურენტების ბიზნესმოდელების წარმოსახვა. იმისათვის, რომ პროექტის გუნდმა გაიაზროს, როგორია ბიზნესმოდელის `საპროექტო სივრცე~, იგი საჭირო მასალას უნდა გაეცნოს და შესაბამისი ქმედებები უნდა განახორციელოს.