პიარი უნდა იყოს ინტეგრირებული მარკეტინგული კომუნიკაციების სტრატეგიის ნაწილში. გადაწყვეტილების მიღებისას, თუ როდის და როგორ აჯობებს მისი გამოყენება, აუცილებელია, გაითვალისწინოთ შემდეგი:

• ახალი პროდუქტის ან მომსახურების ამუშავებისას, პიარი მთლიანად უნდა იყოს ინტეგრირებული მარკეტინგის სხვა ფორმებთან.
• პიარი ყოველთვის უნდა იყოს კომუნიკაციის პროცესის შემადგენელი ნაწილი. პიარის პრაქტიკოსის ყოლა ბრეინსთორმინგის დროს სასიცოცხლოდ მნიშვნელოვანია.
• პიარი მარკეტინგის სხვა კომპონენტებთან შეთანხმებულად უნდა მუშაობდეს და რაც უფრო შესაძლებელია ეს, მით უკეთესია.
• კრიზისულ სიტუაციებში პიარმა უნდა იხელმძღვანელოს (ამას, რა თქმა უნდა, არ დაეთანხმებიან იურისტები). საუკეთესო შემთხვევაა, როდესაც ეს ორი დისციპლინა – პიარი და იურიდიული განყოფილება – ერთად მუშაობენ.

საკმაოდ დიდ ორგანიზაციებში, პიარმენეჯერის ან დეპარტამენტის ყოლას, თან სდევს ერთი საშიშროება, რომ პიარის სპეციალისტები ვაკუუმში არ აღმოჩნდნენ და ამგვარად, ნელ-ნელა არ ჩამოშორდნენ ბიზნესს. ასეთ შემთხვევაში, ბედის ირონიაა, მაგრამ დაკისრებული ამოცანა, კომპანიების შეტყობინებების გავრცელება და სხვა გარე აუდიტორიებისთვის (მედია, საზოგადოება, აქციონერები) ინფორმაციის მიწოდება ნაკლებად შესაძლებელი იქნება, ანუ წარმოიქმნება საზოგადოების ნაკლებად ინფორმირებულობის რისკი.

პიარის პროფესიონალის სრული სამუშაო დღის ნახევარი საქმე მედიაში ინფორმაციის გავრცელებაა; მეორე ნახევარი იმის გაგებას უნდა დაეთმოს, თუ რას აკეთებს კომპანია რეალურად.

ნუ იჯდებით მთელი დღე თქვენს მაგიდასთან. გამოდით და გაისეირნეთ საწარმოს, სასაქონლო საწყობის, სატრანსპორტო (მიწოდების) დეპარტამენტის და პროდუქციის მენეჯერთა ოფისების გარშემო. ჰკითხეთ ადამიანებს, რა არის მათთვის მნიშვნელოვანი, საინტერესო, და რა შეტყობინების მიღება სურთ გარე სამყაროსთან კომუნიკაციისთვის. თქვენი ამოცანაა, გაერკვეთ ამ საკითხებში და ისე შეფუთოთ ინფორმაცია, რომ მიმზიდველი გახდეს მედიისა და მისი აუდიტორიისთვის.

პიარი მარტივად - ერიკ იავერბაუმი, რობერტ ბლაი, ილისე ბენუნი